domingo, 18 de diciembre de 2011

OKARAYGUA AKÃ SA'YJU


Ku mitãkuña, áva apope sa'yju mimbíva,
iñakã jegua ndijavyiete mbokaja poty.
Inimbo overáva ho'a ijati'ýre, ojajái reíva,
ichupe heñói che ñe'a ruguápe mborayhu poty.

Ha’e umi hesa mbyja ko’eju ñande resapéva,
yvága hovy oje’o hague ima'ë paje.
Aropurahéine che mbarakapúpe mba'e iporãitéva,
hova pytangy ha'ete voíva kuarahy resë.

Ojogua mokói jasy pyahumi hováre oguejýva
umi ityvyta po’i asyete, karapã’imi.
Yvoty pytãva, hope ojerávo ha he'ë mbochýva,
upéva ijuru, pe huguy syrýva ha ikambuchimi.

Kuña sa rovy, pire morotï, akã sa’yjúpe,
yvytu pepo toguerahami che ñe’ë poty.
Tupãsy itykéra, ojoguaiteíva ko che rembiauhúpe,
moköive ojovái ndojuasái porãme ha ojohupyty.

----------------

Letra: Carlos Miguel Giménez.
Música: Emilio Bobadilla Cáceres.
Hay aquí una interpretación que Herminio Maldonado hizo de esta guarania.

2 comentarios: